صفحة 1 من 3 123 الأخيرةالأخيرة
النتائج 1 إلى 5 من 12

المعكرونات اطباق منوعه

لعشاق المعكرونات جبت لكم مجموعه صغيره مصورتها من فتره للمعكرونات وجمعتها كلها وان شاءا لله تعجبكم ونصيحة يجب استعمال زيت كونولا تباع الشمس متواجد بالسوبر ماركت وينصح به الاطباء وتجنب

  1. #1
    الصورة الرمزية سَـَََـَـآلـي }
    سَـَََـَـآلـي } غير متواجد حالياً عضونادي الألف
    تاريخ التسجيل
    Apr 2009
    الدولة
    السـ جده ـعودية فديتها
    المشاركات
    8,265

    Smile المعكرونات اطباق منوعه


    لعشاق المعكرونات
    جبت لكم مجموعه صغيره مصورتها من فتره للمعكرونات وجمعتها كلها
    وان شاءا لله تعجبكم
    ونصيحة يجب استعمال زيت كونولا تباع الشمس متواجد بالسوبر ماركت وينصح به الاطباء
    وتجنب طهي اللحم او الدجاج مع الشحم بشكل يومي مب زيـــــــــــــن حطوا بالكم على صحتكم

    ((معكرونة كرات اللحم))
    ماشاء الله تبارك الرحمن
    اولشي نجي لمقادير الكرات

    كيلو لحم مفروم
    انا طبعا اشتري اللحم بلا شحم ولا عظم وافرمه بالبيت يكون احسن وصحي اكثر
    لان الجاهز مليان شحم وخرابيط ومدري وش يحطون بعد الله يستر موزين صراحه مانصحكم تستعملونه
    بس للاسف وايد ناس تستعمله
    المهم
    كزبره مفرومه حسب الرغبه اشكثر تبون حطو
    وبصلتين مفرومين ناعمين
    ملح وفلفل اسود
    ملعقتين ثوم مطحون
    او ملعقة بكيفكم
    نفرم اللحم ونحط عليه بقية المكونات المذكوره ونشكلهم على شكل كور اي حجم تبونها بكيفكم
    وتصف في صينيه وتوضع بالثلاجة لمدة 3 ساعات عالاقل او اربع لكي تتماسك
    واللي مستعجل يحطها بالفريز مدة ساعه الا ربع يكفي
    نسلق كيس معكرونه شرايط او اي نوع معكرونه تحبونها سباغيتي او
    PENE
    وبعدين نحضر الصلصله
    المقادير
    علبة عصير الطماطم متواجده في الاسواق
    او ست حبات طماطم مقشره مفرومة ناعم حيل او مبشوره
    ثلاث ملاعق معجون طماطم

    بصله مفرومه
    3 فصوص ثوم مفرومين

    ملح فلفل اسود او ابيض ورشه كركم بسيطه
    واللي يحب البهارات يضيف اي نوع بهارات يحبها

    نكشن البصل مع الثوم في زيت كونولا لين ياخذ شوي لون ويذبل
    ونحط جميع المقادير المذكوره ونحرك شوي
    نخليها عشر دقايق فقط ونسكر النار
    طبعا هذي الوصفه يحطون فيها مكعبات ماجي بس احين صرت ماستعمله عقب التحذيرات اللي سمعناها
    فقمت استعمل المرقة اللي تجي بكيس في الاندومي الله يستر بعد مايطلعون لنا فنتق جديد ويقولون يسوي امراض
    المهم طبعا يكون اندومي دجاج
    واستخدمت اندومي دجاج بالكاري صراحه روووووعه وبهاراته خفيفه جدا ماتبين يعني لاتخافون عالطبخه ماتخترب
    كيس واحد بس يكفي اللي يجون ملتصقين مع بعض المرقه مع الكاري
    واذا حسيتوا الصلصه شوي ناقصه نزيد شوي من عصير الطماطم او الماء
    نقلي كرات اللحم في قليل من الزيت نحاسب مايحترقون
    يعني مجرد تشويح على الجانبين
    ونضيفهم على الصلصله ونخليهم نص ساعه نسكر القدر بقصدير احسن عشان يستوي بالبخار ومايطلع البخار كله
    نضيف المعكرونه المسلوقه كيس واحد فقط
    ونقلب ونخليه على النار شوي بس خمس دقايق
    وتقدم بهذا الشكل الكشخه
    المعكرونات اطباق منوعه mk106353_2729827720_

    سباجيتي الدجاج بعصير الطماطم

    المقادير
    كيس سباقيتي مسلوق
    علبة عصير طماطم
    او ست حبات طماطم مبشورين
    معجون طماطم 3 ملاعق
    ثوم مفروم
    4 قطع صدور دجاج مقطعه قطع طوليه

    طبعا البصل مو لازم بالكشنه اللي يحب يحط بكيفه
    نحمر الثوم في الزيت ياخذ لون بعدين نحط عصير الطماطم وبقية المقادير
    مع البهارات اللي هي كركم فلفل اسود وملح
    اول مايغلي نضع الدجاج ونخليه فقط ربع ساعه على نار وسط
    وثم نضيف السباغيتي المسلوقه
    نخليه عالنار عشر دقايق فقط على نار هاديه
    وبسسسسسس
    وهالمعكرونه يحبها مبارررررك فديته واااااايد ودايم يطلبها مني
    وهذا شكلها
    المعكرونات اطباق منوعه mk106353_2215151451_

    ((معكرونا التونا ))
    هاذي المعكرونه فعلا تهبل ولو اني ماكنت من مشجعينها بس صديقتي يوم رحنا مطعم وكافي شوب لاشوكولا بالبحرين اللي مقابل السيف اكيد عرفتوه
    انزين
    وشجعتني اكلها مع ان كنت متضايقه وماودي بس فعلا عجبتني حييييييل ماكنت اتخيل المعكرونه بالتونا هالشكل روعه
    بس صج اللي يجرب مايخسر شي
    وصرت اسويها بالبيت على طريقتي الخاصه والبهارات الخليجيه البحرينيه الاصيله
    وووووو
    هذي الطريقه
    اولشي نكشن شوي بصل وثوم نحمرهم شوي يذبلون نحط عليهم
    ملعقة طعام ثوم وزنجبيل مطحونين
    شوي كركم
    ملح
    فلفل اسود
    بزار بحريني نص ملعقة شاي
    وكمون وكزبره ناشفين مطحونين شوي بس ربع ملعقه صغيره
    ونحمسهم زين بعد دقيقتين نحط علبة تونا العلالي الكبيره او اي نوع تفضلونه
    نخليهم على نار هاديه خمس دقايق
    وبعدين نضيف كزبره مفرومه او بقدونس
    وفلفل اخضر رومي مقطع مكعبات
    صغيره جدا
    ونضيف المعكرونه انا ضفت على شكل قواقع هالمره وطلع رووووووووعه
    هذا شكله

    المعكرونات اطباق منوعه mk106353_2381764845_

    ((ترياكي لحم))
    الصلصات المستخدمه في هالطبق

    دبس الرمان
    وستشير صوص
    صويا صوص
    خل البلسميك
    صوص الثوم والفلفل الاحمر بالسكر
    زيت السمسم
    ..
    نستخدم لحم الاستيك مقطع قطع رفيعه مثل الشاورما
    وبصل اخضر مفروم
    ثوم
    ملح
    فلفل اسود
    نحمر الثوم شوي بالزيت نضيف ملعقتين زيت السمسم
    ونحط اللحم ونقلب نضيف شوي ماء ونغطي اللحم نص ساعه يستوي
    بعدين نضيف جميع الصلصات المذكوره من كل شي شوي حسب الرغبه
    ممن كلشي ملعقتين او ملعقه على حسب المقادير
    نخليهم شوي عالنار من خمس الى عشر دقائق فقط
    نسكر النار ونرش عليها البصل اللاخضر
    ونسلق النودلز الصينيه هي تجي بالاسواق في كيس شفاف ويكون شكلها مكعب
    وتقدم بهالشكل
    المعكرونات اطباق منوعه mk106353_1909548978_
    ((الكشري ))
    كوب رز مسلوق
    كوب معكرونه مسلوقه
    نص كوب عدس مسلوق
    شعيريه محمصه ومسلوقه
    2 بصل مقطع جوانح ومقلي
    بعد مانسلق المكونات المذكوره نخلطهم مع بعض ونحط فوقهم فنيال من زيت البصل اللي قليناه
    ونسكر القدر ونخليه عالنار مدة ربع ساعه نار خفيفه جدا

    نجي للصلصه
    كوب ونص عصير طماطم
    4 فصوص ثوم
    ملح وفلفل احمر وكركم
    علبة معجون طماطم
    زيت او زبده
    نحمر الثوم بالزيت يذبل نضيف بقية المقادير ونخليهم يغلون
    20 دقيقه
    ويقدم بهالشكل
    وعند التقديم نرش عليه البصل المقلي
    المعكرونات اطباق منوعه mk106353_2235497946_


    (( معكرونة بشاميل باللحم المفروم))
    كيس معكرونه مسلوقه
    نص كيلو لحم مفروم
    ملح فلفل اسود ثوم مطحون علبة معجون طماطم ماء نص كوب بصل مفروم كزبره خضرا مفرومه
    نكشن البصل مع الثوم بالزيت ونضيف اللحم ونقلب ثم البهارات والماء
    ونخليهم نص ساعه على نار وسط او هاديه وبعد الاستواء نضيف الصلصله والكزبره ونخليها عالنار خمس دقايق فقط
    الباشاميل :
    نص زبده
    كوب طحين
    كوب حليب بودره
    5 اكواب ماء
    علبة متوسطه من الجبن المبشور
    علبة قشطه
    ملح وفلفل اسود
    نذوب الطحين والحليب بالماء بمضرب البيض ونخليهم عالنار مع الاستمرار بالتحريك
    او ماتغلي نخفف النار ونضيف بغية المقادير المذكوره
    ونخليها ربع ساعه عالنار فقط
    احين ناخذ بايركس كبير ونحط فيه معكرونه طبقه واللحم طبقه اخر شي البشاميل طبقه
    للوجه
    بيضه مخفوقه مع ملح وملعقتين حليب مركز ابوقوس او بوني اي شي تحبونه
    ويصب عالوجه ويحمر الوجه فقط بالفرن
    وهذا شكله

    المعكرونات اطباق منوعه mk106353_2218905843_


    عوااافي عليكم


    hglu;v,khj h'fhr lk,ui


  2. #2
    الصورة الرمزية °•♥ اغليك يا قلبى ♥•°
    °•♥ اغليك يا قلبى ♥•° غير متواجد حالياً عضوية نادي الألف
    تاريخ التسجيل
    Feb 2009
    الدولة
    في قلب دنيتي!!
    المشاركات
    11,923

    افتراضي


  3. #3
    الصورة الرمزية ~عصفورة الجنة~
    ~عصفورة الجنة~ غير متواجد حالياً عضوية نادي الألف
    تاريخ التسجيل
    May 2009
    المشاركات
    2,752

    افتراضي

    يمم يــــم تسلم يدك ع المكروووونه
    وعلينــآآآ بالعافيه بس ووين الحلا ههههه

  4. #4
    الصورة الرمزية نسايم الصباح
    نسايم الصباح غير متواجد حالياً إبداع وتميز
    تاريخ التسجيل
    Dec 2007
    الدولة
    انا ما ابي من الدنيا لامكسب ولا ربح ابي لا مر ذكري تقول الناس يا طيبها
    المشاركات
    27,122

    افتراضي

    تسلم يدك

    الف شكرررر

  5. #5
    الصورة الرمزية سَـَََـَـآلـي }
    سَـَََـَـآلـي } غير متواجد حالياً عضونادي الألف
    تاريخ التسجيل
    Apr 2009
    الدولة
    السـ جده ـعودية فديتها
    المشاركات
    8,265

    افتراضي

    مشكورين على المرور يالغوالي

    عوااافي

صفحة 1 من 3 123 الأخيرةالأخيرة

المواضيع المتشابهه

  1. ملف شامل لجميع انواع المعكرونات بكل الطرق وانواع الصوصات واووووووووووو
    بواسطة أم سندس 2012 في المنتدى وصفات الحلويات - اطباق مقبلات - وسلطات - بالصور
    مشاركات: 14
    آخر مشاركة: 23-03-2013, AM 02:01
  2. اطباق رئيسية منوعه,,وصفات منوعه
    بواسطة دموع بلا خطايا في المنتدى طبخ و طبخات بالصور - Cooking
    مشاركات: 14
    آخر مشاركة: 07-09-2012, PM 15:32
  3. اطباق طعام مميزة , اطباق اكل بشكل جديد , اجدد اطباق اكل للمائدة
    بواسطة هبه الحياة في المنتدى تصاميم فلل و منازل - ديكورات منازل - ديكورات غرف نوم
    مشاركات: 11
    آخر مشاركة: 08-05-2012, PM 13:04
  4. زفات منوعه - تحميل زفات منوعه و حلوة
    بواسطة شمشونه في المنتدى زفات - منتدى زفات - زفافي - زفات عروس
    مشاركات: 1
    آخر مشاركة: 27-04-2012, AM 08:49
  5. اطباق ناعمة للعرايس , ارق كولكشن اطباق , اطباق باشكال انيقه
    بواسطة هبه الحياة في المنتدى تصاميم فلل و منازل - ديكورات منازل - ديكورات غرف نوم
    مشاركات: 0
    آخر مشاركة: 15-04-2012, PM 22:07

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
من نحن
تم تأسيس عالم المرأة لخدمة المرأة العربية في شتى المجلات و توفير فرص العمل
إنضم لنا
برمجة و إستظافة إبداع للتكنولوجيا الرقمية